Amarante Fotografia - “Sensibilidades” ye l nome de la sposiçon de fetografies de l fetógrafo Eduardo da Costa Teixeira, que se bai a poder ber na Biblioteca Munecipal de Miranda de l Douro de 8 de janeiro a 28 de febreiro.

«“Sensibilidades” de 8 de janeiro a 28 de febreiro na Biblioteca Munecipal de Miranda de l Douro

“Sensibilidades” ye l nome de la sposiçon de fetografies de l fetógrafo Eduardo da Costa Teixeira, que se bai a poder ber na Biblioteca Munecipal de Miranda de l Douro de 8 de janeiro a 28 de febreiro.

Son 38 fetografies a branco i negro, de ls anhos 50, 60 i 70 de l seclo atrasado, que reperséntan la mirada de l outor para la bida de to ls dies: las sues “sensibilidades”. Las eimaiges yá tubírun prémios nacionales i anternacionales.

Eduardo da Costa Teixeira naciu an Amarante, an 1933 i ampeçou a sacar ls sous purmeiros retratos porfissionales an 1950.
Binte anhos apuis, ampeçou a fazer sposiçones, habendo la obra del sido amostrada an salones de fetografie de ls cinco cuntinentes.

La sue grande obra, c’ua mirada poética subre la rialidade, fizo del un de ls más buonos fetógrafos pertueses de l seclo XX, un de ls que más prémios ten, an Pertual i ne l strangeiro, mormiente l Grande Prémio de Camões (1960), que, naquel tiempo, era un de ls más altos galardones nacionales.

Eduardo Teixeira Pinto morriu-se an 2009 i deixou ua cemba de trabalhos sien précio, sendo buntade de la família que todo seia bisto ne l paiç anteiro, cun sposiçones de tierra an tierra.» in https://www.facebook.com/filipeaugusto.silva.14


Eduardo Teixeira Pinto - "Ruas e recantos de Amarante"